بدأ العد التنازلي لانطلاق كأس العالم 2026 اللي بتستضيفها أمريكا وكندا والمكسيك، وسط طموحات كبيرة بوصول منتخب مصر لأدوار متقدمة في البطولة بعد غياب طويل.
وقبل ضربة البداية، بيمر حسام حسن بنفس التجربة اللي عاشها حسن شحاتة قبل بطولات أمم أفريقيا، خاصة نسختي 2006 و2010. المعلم اتعرض وقتها لانتقادات عنيفة بسبب ضم لاعبين على حساب آخرين، رغم إن اختياراته كانت دايماً مبنية على رؤية فنية واحتياجات المنتخب من بطولة للتانية.
وجاءت أبرز المواقف اللي وثقت صحة رؤية حسن شحاتة كانت في أمم أفريقيا 2006. المعلم فضل يعتمد على عمرو زكي كبديل لميدو، رغم الضجة اللي عملها القرار وقتها. الأزمة وصلت ذروتها في مباراة السنغال لما حصلت مشادة بين المعلم وميدو.
ولكن التاريخ أنصف شحاتة.. عمرو زكي نزل وسجل هدف الفوز القاتل في مرمى السنغال، ومن وقتها بقى "زكي البازوكا" ورقة رابحة للمنتخب، وتوجت مصر بالبطولة.
ونفس السيناريو بيتكرر مع حسام حسن دلوقتي. كل قائمة بيعلنها بتلاقي هجوم وانتقادات: ليه اللاعب ده موجود والتاني لأ؟ بس زي ما علمنا شحاتة، وجهة النظر الفنية واحتياجات المباريات هي الفيصل، مش اسم اللاعب أو شعبيته.
