أشاد إمام عاشور لاعب وسط منتخب مصر والنادي الأهلي، بزميله في المنتخب محمد صلاح، مؤكداً أن تواجده يمنح دافعاً كبيراً لكل اللاعبين.
وقال عاشور: "كفاية إن معانا كابتن صلاح، مدينا كلنا دافع. الواحد بيبصله بس بيبقى متفائل طول ما هو موجود في الملعب".
وأضاف: "الفرق كلها بتعمل حساب كبير لصلاح. ميتعوضش وده في حتة تانية"، مشيراً إلى التأثير الفني الكبير للنجم المصري على المنتخب وعلى المنافسين.
وتابع لاعب الأهلي: "هو إنسان متواضع جداً برا الملعب ويتحب. دايماً بيتكلم معانا كلنا، وأي لاعب بيجي جديد في المنتخب لازم يروحله الأوضة ويديله التيشيرت بتاعه، وبيدعمنا كلنا وكلنا بنتعلم منه".
وكان منتخب مصر قد تأهل مؤخراً إلى كأس العالم 2026، ويستعد لخوض معسكرات الإعداد خلال الفترة المقبلة.
