أطلق حسام حسن المدير الفني لمنتخب مصر تصريحات مؤثرة عن معاناة الشعب الفلىىطيني، مؤكداً أن الشعور بقضيتهم هو أبسط درجات الإنسانية.
وقال حسن في تصريحات إعلامية: "رفع علم فلىىطين؟ كل واحد ليه مشاعر، وإذا وُجد فرد في العالم لم يشعر بالشعب الفلىىطيني فهو لا يبقى بني آدم، سواء كان عربي أو أوروبي أو أمريكي".
وأضاف: "لو فيه حيوان حد قسى عليه بتطلع حقوق الإنسان والحيوان والدنيا كلها، لكن لما كل يوم ناس بالآلافات يحصل معاهم كدا وأطفال وستات وإحنا قاعدين في تكييف وفوقنا سور وشقق وأكل قدامنا... فيه أطفال وشعوب قاعدة في خيم صيف وشتا وشمس ومطر".
وتابع: "لما الدنيا حر عايزين تكييف، ولو شتا عايزين بيت مقفول ودفايات وغطا. الشعب الفلىىطيني قاعد في العراء، فيه أطفال مش لاقيين ياكلوا وبيتعرضوا لأمراض من قلة الأكل والنوم والحياة".
واختتم المدير الفني للفراعنة حديثه: "لو محسيتش بيهم يبقى مليش لازمة أعيش. لو مفيش بني آدم حس باللي بيحصل يبقى مش بني آدم، مينفعش يعيش".
واستكمل: "الناس اللي في إيديها القرار تحط نفسها وأولادها إنهم يقعدوا يوم واحد بس في الشارع والشمس والمطر يجربوا ونشوف هيعيشوا إزاي. لما بتحصل سيول هنا الناس كلها بتجري، لكن السيول بتحصل هناك ومعندهمش حاجة يتدفوا بيها".
وختم حسام حسن: "عار على العالم كله وعلينا كلنا وعلى أصحاب القرار اللي سايبين بني آدمين زينا زيهم".
