خرجت الفنانة جيلان علاء، للرد على الجدل المثار حول زواج قريبها أدهم تامر من فتاة من ذوي الهمم، مؤكدة أن القرار جاء بإرادتهما الكاملة.
وكتبت جيلان عبر حسابها على فيسبوك: «أنا معلش أحب أرد، بس بصفتي بنت خالة أدهم تامر العريس، فقرار جواز سما وأدهم ده قرار اتنين بالغين عارفين هما بيعملوا إيه، وليهم أحاسيس ومشاعر، وبني آدمين، وليهم أهل مثقفين ومتعلمين وعارفين ولادهم بيعملوا إيه».
وأضافت: «خالتي والدة أدهم الدكتورة ندى أبو المجد من أشطر وأشهر دكاترة الإدمان في مصر، ووالدة ووالد سما ناس متعلمين ومثقفين ومحترمين وعارفين هما بيعملوا إيه كويس أوي».
وتابعت: «طالما الزيجة دي مش هتضر حد في حاجة، يبقى بلاش نعكر فرحتهم ولا فرحة أهلهم، عشان إحنا كلنا كنا فرحانين ومبسوطين من قلبنا، عشان دول أنقى وأطهر من خيالكم.. تمنوا لهم الخير والفرحة والسعادة وبس».
