كشف الإعلامي مصطفى بكري رسائل الرئيس السيسي في احتفالية المولد النبوي الشريف، قائلا: «لما الرئيس عبد الفتاح السيسي بيتكلم من وراء تاريخ نزيه وطني وشريف، والرئيس عارف إن بعد فترة من الوقت هيتكلموا عنه، وإنا بقول له يا سيادة الرئيس كنت تظبط شوية ناس وتظبط المسألة بشوية سُلف وخلاص».
وقال بكري خلال برنامج «حقائق وأسرار» على قناة «صدى البلد»: «النهاردة مصر مش بتاعة امبارح، اللي حصل في البنية التحتية لم يحدث على الإطلاق سواء بناء مدن وعواصم وفك العزلة عن سيناء وربطها مع الوادي، كل دا لمصلحة مصر مش الرئيس السيسي وشعبه والجيل المقبل».
وتابع مصطفى بكري: «هتنتهي الأزمة وهنجني الثمار في أقرب وقت ممكن.. البلد دي كان لازم نحمي مؤسساتها بجيش وشرطة عظيمة، وزير الداخلية جاء في فترة زمنية صعبة.. أنا عارفك أنك مش بتحب حد يجيب سيرتك والعلاقات العامة قالت إن دا شغلنا.. لكن أنا بقول إن دا شغلهم وشغلنا.. الوزير عمل عقيدة ثابة في الداخلية وأي ظابط بينحرف بيتحول للتحقيق».
واختتم قائلا: «الغلابة والطبقة المتوسطة محتاجة حاجات كتير.. محدش يقدر ينكر لكن فيه بلد بتتبني وقيادة سياسية عارفة مشكلات المجتمع، الرئيس بيطلب من الحكومة بتحقيق تقرير عن الإنجازات اللي بتتحقق واللي ماتحققتش ونعرضها على المواطن، لازم نفتح الباب للإعلاميين والكتاب والمفكرين ويناقشوا الإنجازات ودي خطوة مهمة لحساب الكل لأمام الرأي العام».
